Waa maxay obstructed labor.

 

Obstructed labor (ama dhalmo istaagtay) waa xaalad caafimaad oo dhacda marka ilmaha aan awoodin inuu si caadi ah uga soo gudbo marinka dhalmada (vagina) inta lagu jiro foosha, sababtoo ah caqabado jireed ama farsamo.

Sababaha ugu waaweyn ee keena obstructed labor:

1. Ilmaha oo aad u weyn (fetal macrosomia) – Madaxa ama jirka ilmaha ayaa ka weyn marinka dhalmada.
2. Marinka dhalmada oo cidhiidhi ah – Waxaa keeni kara miskaha hooyada oo cidhiidhi ah ama qaab aan caadi ahayn.
3. Xaalada ilmaha oo aan caadi ahayn – Sida ilmaha oo dhanka dambe u jeeda (posterior position) ama madaxdiisa oo aan si fiican u dhigmin.
4. Uurka mataanaha ama in ka badan (multiple pregnancy) – Laba ama ka badan oo ilmo ah ayaa sababi kara isbuurasho.
5. Uur-mareenka hooyada (uterus)  – Sida fibroids ama cillado kale oo carqalad ku noqda dhalmada.

Calaamadaha:

• Foosho xooggan oo aan horumar lahayn.
• Hooyada oo daalan ama aad u xanuunsan.
• Calool kacsan ama kor u boodaya, ilamaha oo u muuqda mid aan hoos u dhaadhacaynin.
• Dhiig bax, wadne garaaca ilmaha oo caadi ahayn.

Dhibaatooyinka ka dhalan kara:

• Dhaawac ku dhaca ilmaha ama hooyada.
• Dhiig bax halis ah.
• Fistula (isku furan ku dhaca vagina ilaa Anuska).
• Khatar nololeed oo ilmaha ama hooyada ah haddii aan si degdeg ah loo daaweyn.

Ka hortaga obstructed labor.

 

 1. Daryeel joogto ah inta lagu jiro uurka (Antenatal care)

• In hooyada si joogto ah loo baaro inta ay uurka leedahay.
• La socodka cabbirka ilmaha iyo horumarkiisa (sida ultrasound).
• Baadhitaanka miskaha hooyada si loo qiimeeyo in ay si dabiici ah u dhalin karto.

       2. Nafaqo wanaagsan

• Hooyada uurka leh waa in ay heshaa cunto nafaqo leh si jidhkeedu u koro si caadi ah.
• Nafaqo xumo waxay keeni kartaa miskaha oo aan si fiican u horumarin ama cudurro carqaladeyn kara dhalmada.

 

      3. Aqoonsiga khatarta

• Dumarka hore uga dhacay obstructed labor, kuwa dhalmada dhibaato hore ugu lahayd, ama leh ilma aad u weyn, waa in si gaar ah loo ilaaliyaa.
• In la ogaado haddii ilmaha qaabkiisu qaldan yahay (malposition ama malpresentation).

 

 4. Qorshe dhalmo caafimaad leh

• Dhalmada waa in lagu sameeyaa goob caafimaad oo leh xirfadlayaal aqoon leh (sida umuliso xirfad leh ama dhakhtar).
• Haddii la ogyahay in dhalmo caadi ah aysan suurtagal ahayn, waa in qorshe loogu talagalay qalliinka (C-section).

 

 5. Kordhinta wacyigelinta bulshada

• In haweenka iyo qoysaskooda la baro muhiimadda daryeelka caafimaadka inta uurka iyo dhalmada.
• In laga hortago guurka gabdhaha da’da yar – miskahooda wali wuu kori karaa, taasoo kordhin karta halista obstructed labor.

 

      6. La-talin iyo caafimaad guud

• Ka hortagga cudurrada sida rickets (lafaha jilicsan) ama cudurrada kale ee carqaladeyn kara horumarka miskaha.
• Talooyinka caafimaad ee ku saabsan tirada carruurta iyo qorshaha qoyska.

Daaweynta:

• Qalliinka Qalliinka (Cesarean section) waa daawada ugu badan haddii obstructed labor la ogaado.
• Mararka qaar waxaa loo baahdaa qalab sida vacuum extractor ama forceps haddii uu suurogal yahay.